Pas Kuvendit Zgjedhor të Federatës së Notit të Kosovës dhe zgjedhjes së kryetares së re, znj. Rita Zeqiri, ka pasur një rritje të interesit nga mediat për të mësuar më shumë rreth saj. Menjëherë pas marrjes së detyrës, Kryetarja Zeqiri pati një intervistë me gazetën Balkan Insight, duke vazhduar kështu një periudhë të aktivizimit në mediat vendore.

Gazeta Balkan Insight thekson: “Rita Zeqiri bëri histori në vitin 2016 kur përfaqësoi Kosovën në Lojërat Olimpike të para ku mori pjesë. Tani, si kryetare e Federatës së Notit të Kosovës, ajo ka ëndrra të mëdha për të ardhmen e një sporti që dikur ishte marginal. Nëse nuk do të ishte për pishinën pranë vendit të punës së babait të saj, njerëzit në Kosovë nuk do të flisnin kaq shumë sot për “Ritën notaren”.

Tenisi, skijimi dhe gimnasitika ishin sportet që i afroheshin më shumë zemrës së Rita Zeqirit në rininë e saj. “Që nga fëmijëria ime e hershme, e kujtoj veten si një fëmijë aktiv që gjithmonë e doja sportin,” tha Zeqiri në intervistën e saj për BIRN.

Tani, në zyrën e saj të vogël dhe të rregullt në Prishtinë, 30-vjeçarja po shijon ditët e para si kryetare e Federatës së Notit të Kosovës – gruaja e parë që drejton një federatë olimpike sportive në vend.”