Më 22 shkurt, në mbledhjen e Bordit të FNK-së, të udhëhequr nga Presidentja Rita Zeqiri, u miratuan ndryshimet dhe propozimet e Komisionit Profesional të FNK-së lidhur me Kalendarin e aktiviteteve për vitin 2025.

Në përputhje me kapacitetet financiare të Federatës, dhe te gjitha rrethanave infrastrukturore, kalendari i vitit 2025 është hartuar me një shpërndarje të kujdesshme dhe transparente të buxhetit, në menyrë që në maksimum të arrihen objektivat që ka institucioni:

15% e buxhetit është ndarë për organizimin e garave vendore.

35% është dedikuar garave kualifikuese dhe pjesëmarrjes në ngjarjet ndërkombëtare.

10% është orientuar në organizimin e kampeve brenda dhe jashtë vendit.

10% është destinuar për mbështetjen e klubeve në realizimin e aktiviteteve shtesë në kalendarin e tyre.

7% për të siguruar për herë të parë vijë buxhetore për bursat për notar/e.

* shperndarjet tjera të buxhetit në postimet e rradhës.

Programi i FNK-së është program gjithëpërfshirës që prek gjitha kategoritë por synim parësor ka mbështetjen e gjeneratave të reja.

Ky kalendar përfshin:

Kampet për grupmosha të reja.

Gara vendore vetëm për notarët e rinj.

Gara ndërkombetare për të rinj.

Organizim të avancuar të ngjarjeve vendore dhe garave memoriale.

2 kampe elitare për notarët më të mirë vendor.

Sigurimin e dy garave kualifikuese për Kampionatet Botërore dhe Evropiane.

Zhvillim të aktiviteteve në ujëra të hapura.

Trajnime më të avancuara për trajnerë, gjyqtarë dhe administratorë të sportit.

Pjesëmarrje në ngjarjet më të rëndësishme botërore të notit.

Duke treguar transparencë, planifikim dhe vullnet për zhvillim FNK synon që të realizoj këtë kalendar vjetor në përputhje me objektivat e planit strategjik!