KAMPIONATI I KOSOVËS 25m 2024
Kampionati i Kosovës në pishina të shkurta (25m), i mbajtur më 21-22 dhjetor 2024, përfundoi me sukses në pishinën “Step” në Prishtinë. Ky aktivitet mblodhi sportistë të shumtë nga të gjitha klubet e notit në Kosovë, të cilët garuan në disiplina të ndryshme, duke treguar aftësi të larta teknike, përgatitje fizike dhe pasion për këtë sport.
Gara u karakterizua nga një atmosferë e jashtëzakonshme sportive, duke theksuar përkushtimin dhe punën e palodhur të notuesve dhe trajnerëve të tyre.
Performanca e sportistëve dhe organizimi i shkëlqyer i eventit kontribuan në zhvillimin e mëtejshëm të sportit të notit në Kosovë, duke e bërë këtë kampionat një ngjarje të rëndësishme në kalendarin sportiv kombëtar.
Notarët më të mirë të Kosovës, të shpallur sipas pikëve FINA, janë Arion Budima dhe Riga Shala, të cilët u kurorëzuan si kampionët e Kosovës për vitin 2024.
Kampionët e Kosovës në konkurrencën ekipore janë shpallur në kategoritë e ndryshme, si më poshtë:
Kategoria F
- Femra: Klubi i Notit Step
- Meshkuj: Klubi i Notit Niko
Kategoria E
- Femra: Klubi i Notit Step
- Meshkuj: Klubi i Notit Kastrioti
Kategoria D
- Femra: Klubi i Notit Step
- Meshkuj: Klubi i Notit Dielli
Kategoria C
- Femra: Klubi i Notit Step
- Meshkuj: Klubi i Notit Delfini
Kategoria B – Junior/e
- Femra: Klubi i Notit Prishtina
- Meshkuj: Klubi i Notit Step
Kategoria Absolute
- Femra: Klubi i Notit Step
- Meshkuj: Klubi i Notit Step
Federata e Notit të Kosovës dëshiron të shprehë falënderimet më të sinqerta për:
- Ministrinë e Kulturës, Rinisë dhe Sportit
- Fakultetin e Edukimit Fizik dhe Sporteve të AAB
- Gjykatësit të udhëhequr nga Ma.Minator Begaj
- Pishinën Step Sport Center
- Të gjithë aktorët dhe individët që kontribuan për realizimin e këtij Kampionati të suksesshëm.
